ଆପଣ ମାନଙ୍କୁ ଆମର ପୋର୍ଟଲ କୁ ସ୍ୱାଗତ କରୁଛୁ । ବନ୍ଧୁଗଣ ନିଜ ଅହଙ୍କାର ପାଇଁ ଭାଙ୍ଗିବାକୁ ବସିଛି ଗୋଟିଏ ସୁଖର ସଂସାର । ଦାମ୍ପତ୍ୟ କଳହ କମିବା ବଦଳରେ ବଢୁଛି । ଆଉ ଏହି ଧାରାରେ ତାରିଖ ମଧ୍ୟ ଗଡୁଛି । ପ୍ରତିଦିନ ଆସୁଛି ନୂଆ ନୂଆ ମୋଡ । ପରସ୍ପର ମଧ୍ୟରେ ଥିବା ବିବାଦକୁ ଦୂର କରି ଉଭୟ ଏକାଠି ଜୀବନଯାପନ କରିବା କଥା କହୁଥିଲେ ମଧ୍ୟ ଏଥିପାଇଁ ଆବଶ୍ୟକ ହେଉଥିବା ଆଲୋଚନା ଲାଗି କୌଣସି ପକ୍ଷ ନିଜ ଆଡୁ ପ୍ରଥମ ପାଦ ଉଠାଇବାକୁ ନାରାଜ । ଅପେକ୍ଷା କରିଛନ୍ତି ଉଭୟ ଉଭୟଙ୍କୁ ।
କଣ୍ଠଶିଳ୍ପୀ ହ୍ୟୁମାନ ସାଗର ଆଉ ତାଙ୍କ ସ୍ତ୍ରୀଙ୍କ ର ଆଜି କାଉସେଲିଂ ପାଇଁ ତାରିଖ ଥିବା ବେଳେ ଏହାକୁ ୩୦ ତାରିଖ ପର୍ଯ୍ୟନ୍ତ ଘୁଞ୍ଚା ଯାଇଛି । ଶ୍ରେୟା ମିଶ୍ରଙ୍କ କିଛି ବ୍ୟକ୍ତିଗତ କାର୍ଯ୍ୟ ଥିବାରୁ ଏହି ତାରିଖକୁ ଘୁଞ୍ଚା ଯାଇଛି । ହ୍ୟୁମାନଙ୍କୁ ମଧ୍ୟ ଏହି ସୂଚନା ଦିଆଯାଇଥିବା ବେଳେ ଏହି କଥାରେ ମଧ୍ୟ ରାଜି ଅଛନ୍ତି ହ୍ୟୁମାନ । ପତି ପତ୍ନୀଙ୍କ ବିବାଦରେ ଆପାସ ବୁଝାବଣା ର ମହଲତ୍ ସମୟ ଆଜି ଶେଷ ହେବାର ଥିଲା । ଆଉ ଆଜି ହାଜର ହୋଇଥାନ୍ତେ ଏହି ଦମ୍ପତି ।
ବର୍ତ୍ତମାନ ଏହି ତାରିଖକୁ ଆଗାମୀ ୩୦ ତାରିଖ ପର୍ଯ୍ୟନ୍ତ ଘୁଞ୍ଚା ଯାଇଛି । ତେବେ ପୋଲିସ ପକ୍ଷରୁ ମଧ୍ୟ ସୂଚନା ମିଳିଛି ଯଦି କାଉସେଲିଂ ପରେ କୌଣସି ସମାଧାନ ନହୁଏ ତେବେ ଶ୍ରେୟାଙ୍କ ଅଭିଯୋଗ ଅନୁଯାୟୀ ତଦନ୍ତ କରାଯିବ ଏବଂ କାର୍ଯାନୁଷ୍ଠାନ ଗ୍ରହଣ କରାଯିବ । କାରଣ ହ୍ୟୁମାନଙ୍କ ନାଁ ରେ ସାଂଘାତିକ ଅଭିଯୋଗ ଆଣି ଥାନାର ଦ୍ୱାରସ୍ଥ ହେଇଥିଲେ ଶ୍ରେୟା । ମଦ ପିଇ ମାରିବା ଶାରୀରିକ, ମାନସିକ ନିର୍ଯାତନା ଦେବା ଅଭିଯୋଗ କରିଥିଲେ ।
ଏପରିକି ଗତକାଲି ପ୍ରେସ୍ ମିଡିଆ କୁ ଡାକି ଏହିସବୁ କଥାର କାରଣ ବଖାଣି ଥିଲେ । ଅନ୍ୟପଟେ ହ୍ୟୁମାନ ସାଗର ମଧ୍ୟ କହିଥିଲେ ଏହି ସଂପୂର୍ଣ୍ଣ ଅଭିଯୋଗ ମିଥ୍ୟା । ଜୀବନରେ ଆଉ କେହି ତୃତୀୟ ବ୍ୟକ୍ତି ନଥିବା କଥା ମଧ୍ୟ କହିଛନ୍ତି ହ୍ୟୁମାନ ସାଗର । ହେଲେ ଶ୍ରେୟା ଏବେବି ଚାହୁଁଛନ୍ତି ସମାଧାନ ।
କିନ୍ତୁ ହ୍ୟୁମାନ ତାଙ୍କୁ ପତ୍ନୀ ର ସମ୍ମାନ ମର୍ଯାଦା ଦେଲେ ହିଁ ସେ ହ୍ୟୁମାନଙ୍କ ପାଖକୁ ଯିବେ ବୋଲି କହିଛନ୍ତି । ଏହା ସହ ଆସନ୍ତା ୩୦ ତାରିଖ ପର୍ଯ୍ୟନ୍ତ ସମୟକୁ ସେ ଅପେକ୍ଷା କରିଥିବା କଥା ମଧ୍ୟ କହିଛନ୍ତି । ସେପଟେ କେହି ଶ୍ରେୟାକୁ ଭୁଲ୍ ବାଟରେ ନେଇଥାଇ ପାରେ ବୋଲି ଅଭିଯୋଗ କରିଛନ୍ତି ହ୍ୟୁମାନ ।
ଏହି ଭଳି ପୋଷ୍ଟ ସବୁବେଳେ ପଢିବା ପାଇଁ ଏବେ ହିଁ ଲାଇକ କରନ୍ତୁ ଆମ ଫେସବୁକ ପେଜକୁ , ଏବଂ ଏହି ପୋଷ୍ଟକୁ ସେୟାର କରି ସମସ୍ତଙ୍କ ପାଖେ ପହଞ୍ଚାଇବା ରେ ସାହାଯ୍ୟ କରନ୍ତୁ ।
